D.W.E.N.D.E

Mga mumunting nilalang na ang tanging nais ay mamuhay ng mapayapa sa kanilang kaharian...

Sila ay kinatatakutan ng karamihan; ngunit ang ilan ay nagsasabing nakapagbibigay daw sila ng kaginhawahan at swerte kapag sila ay iyong kinaibigan.

May mga ekspertong hindi naniniwala na may mga katulad nilang nilalang, dahil ang gusto lamang nilang pag-aralan ay yung mga bagay na may sapat na batayan.

Sila ay ang mga tinatawag nating lamang lupa o mas kilala natin sa tawag na ..

DWENDE!

Madalas natin silang makita bilang mga karakter sa mga malapantasyang palabas at babasahin na ating nakikita, subalit bibihira lamang ang makapagsasabing nakakita na sa kanila.

Sino nga ba sila at paano sila nakaaapekto sa pang-araw araw nating pamumuhay?

Hindi ko na hahayaang sagutin nyo ang tanong ko, dahil hindi pa naman dyan umiikot ang istorya ng kwento ko.

Ganito kasi yun, Byernes, naguusap kami ni missy ng mga kalokohan at nakakatakot na pangyayari habang nasa byahe,

Tawanan.. kulitan.. hagalpakan.. sampalan.. hampasan at muntik na kaming magsuntukan nung mga puntong iyon.

Menus singko minuto bago mag alas nueve nadin ng gabi ng dumating kami ni missy sa aming tahanan galing sa mahaba at matraffic na pakikipagsapalaran sa daan.Naunang bumaba si missy.

At habang pababa na ako ng sasakyan ay parang may naulinigan ako na tila may pumaswit sa akin na hindi naman kalakasan, subalit hindi ko ito pinansin sa kadahilanang tahimik naman at walang mga tambay akong nakikita sa daan,bagkus ay ipinagpatuloy ko na lamang ang aking ginagawa. Nakababa na ako ng sasakyan, nasa aking kanang kamay ang bag na gamit ko sa opisina samantalang nasa kaliwa naman ang kay missy.

Naglalakad na ako papasok ng aming bahay subalit maya maya pa ay may pumaswit ulit,hindi ko alam kung bakit biglaang nanlamig ang aking katawan. Ang aking mga paa ay tila tumigil at nagmistulang naimbak sa buhangin na nabasa ng tubig na may yelo, kinilabutan ako at biglaang napatingin sa puno ng langka sa gilid ng aming tahanan. Wala naman akong makita... bukod kasi sa gabi na ay malabo pa ang aking mga mata.

Napakabilis ng mga pangyayari, sa di kalayuan ay nakita ko ang isang kakilala, nakatitig... nakataas ang isang kamay... iginalaw papunta sa kanan.. ibinalik sa kaliwa.. at paulit ulit nya itong ginawa... At ng hindi na makatiis ay lumapit na ito at saka sinabing..

"Walangya ka pare... kanina pa kita sinusutsutan... kinakawayan pa kita, di ka man lang namamansin.

Tara kila pareng XXXX, Inum tayo.. dami chicks..."

Anong kinalaman ng dwende sa kwento???

Malaki, kasi tungkol talaga dapat toh sa dwende kaya lang, sosobra na ang haba kaya sa susunod ko na lang sya ikukwento oki??? :)

P.S

Pag binasa mo ito at nagcomment ka, magiging swerte ka sabi nung dwende.

Pero sa mga hindi magcocomment at mag skip read.. mga mukha kayong dwende.. LOL

D.W.E.N.D.E

Mga mumunting nilalang na ang tanging nais ay mamuhay ng mapayapa sa kanilang kaharian...

Sila ay kinatatakutan ng karamihan; ngunit ang ilan ay nagsasabing nakapagbibigay daw sila ng kaginhawahan at swerte kapag sila ay iyong kinaibigan.

May mga ekspertong hindi naniniwala na may mga katulad nilang nilalang, dahil ang gusto lamang nilang pag-aralan ay yung mga bagay na may sapat na batayan.

Sila ay ang mga tinatawag nating lamang lupa o mas kilala natin sa tawag na ..

DWENDE!

Madalas natin silang makita bilang mga karakter sa mga malapantasyang palabas at babasahin na ating nakikita, subalit bibihira lamang ang makapagsasabing nakakita na sa kanila.

Sino nga ba sila at paano sila nakaaapekto sa pang-araw araw nating pamumuhay?

Hindi ko na hahayaang sagutin nyo ang tanong ko, dahil hindi pa naman dyan umiikot ang istorya ng kwento ko.

Ganito kasi yun, Byernes, naguusap kami ni missy ng mga kalokohan at nakakatakot na pangyayari habang nasa byahe,

Tawanan.. kulitan.. hagalpakan.. sampalan.. hampasan at muntik na kaming magsuntukan nung mga puntong iyon.

Menus singko minuto bago mag alas nueve nadin ng gabi ng dumating kami ni missy sa aming tahanan galing sa mahaba at matraffic na pakikipagsapalaran sa daan.Naunang bumaba si missy.

At habang pababa na ako ng sasakyan ay parang may naulinigan ako na tila may pumaswit sa akin na hindi naman kalakasan, subalit hindi ko ito pinansin sa kadahilanang tahimik naman at walang mga tambay akong nakikita sa daan,bagkus ay ipinagpatuloy ko na lamang ang aking ginagawa. Nakababa na ako ng sasakyan, nasa aking kanang kamay ang bag na gamit ko sa opisina samantalang nasa kaliwa naman ang kay missy.

Naglalakad na ako papasok ng aming bahay subalit maya maya pa ay may pumaswit ulit,hindi ko alam kung bakit biglaang nanlamig ang aking katawan. Ang aking mga paa ay tila tumigil at nagmistulang naimbak sa buhangin na nabasa ng tubig na may yelo, kinilabutan ako at biglaang napatingin sa puno ng langka sa gilid ng aming tahanan. Wala naman akong makita... bukod kasi sa gabi na ay malabo pa ang aking mga mata.

Napakabilis ng mga pangyayari, sa di kalayuan ay nakita ko ang isang kakilala, nakatitig... nakataas ang isang kamay... iginalaw papunta sa kanan.. ibinalik sa kaliwa.. at paulit ulit nya itong ginawa... At ng hindi na makatiis ay lumapit na ito at saka sinabing..

"Walangya ka pare... kanina pa kita sinusutsutan... kinakawayan pa kita, di ka man lang namamansin.

Tara kila pareng XXXX, Inum tayo.. dami chicks..."

Anong kinalaman ng dwende sa kwento???

Malaki, kasi tungkol talaga dapat toh sa dwende kaya lang, sosobra na ang haba kaya sa susunod ko na lang sya ikukwento oki??? :)

P.S

Pag binasa mo ito at nagcomment ka, magiging swerte ka sabi nung dwende.

Pero sa mga hindi magcocomment at mag skip read.. mga mukha kayong dwende.. LOL

KwEnTonG KabAbaLaghaN

Paalala: Sana ay gayahin nyo ang boses ni Gas Abelgas habang binabasa nyo ito :-)

Minsan nang sumagi sa aking isipan ang magsulat ng mga akda na tumutukoy at sumisimbolo sa mga nilalang sa kabilang dimensyon gaya na lamang ng mga maligno, duwende, kapre, or white lady at mga multo.

Alam kong marami na sa inyo ang nakaranas ng iba't ibang kababalaghan na hindi kayang ipaliwanag ninuman na ultimo siyensya ay hindi makapagbigay ng sapat at konkretong eksplanasyon para dito. Ngunit maaaring marami din sa inyo ang hindi naniniwala sa mga gantong bagay at ikinukonsidera lamang silang kathang isip o imahinasyon ng sinumang nakakaranas, nakakakita at napapagparamdaman ng mga ito, hindi ko kayo masisisi sa puntong iyon dahil alam kong natatakot lamang kayong tanggapin na bukod sa atin ay may mga iba pang nilalang tayong nakaksulubong ngunit hindi basta basta nakikita ng ating pangkaraniwang mata.

May gusto akong ibahagi sa inyo na naging karanasan ko nung ako ay trese anyos pa lamang. Kapit kapatid, hindi ito nakakatakot kaya wag kang OA sa pagkapit! joke lang yun. hehe

Eto nah, Umpisa na!

Isang "madaling" araw, ako ay inutusan ng aking Ina para bumili ng Mantika sa may tindahan ni Aling Ema, bandang alas tres y media iyon, madilim ang paligid at tanging mga kuliglig at palaka lamang ang nagbibigay ng ingay sa daanan, tandang tanda ko pa ang mga pangyayari ng mga oras na iyon. May walong bahay na namamagitan sa amin at sa bahay ni Aling Ema, pero dahil sa mapuno at malalaki ang bakuran ng mga kabahayan sa aming probinsya, medyo malayo layo na din ang walong bahay na pagitan. Nang ako ay makabili na ng mantika at inumpisahan ang paglalakad pabalik sa amin, kitang kita ng dalawang mata ko ang isang tao na naglalakad papunta sa aking dinadaanan, siya ay nasa tapat ng aming bahay ng mga puntong iyon habang ako naman ay nasa tapat na ng kapitbahay ni aling Ema, wala ni kahit na kaunting takot akong nararamdaman sa mga oras na iyon, pinagpatuloy ko lamang ang aking paglalakad hanggang sa namalayan ko na nasa tapat na pala ako ng bahay nila Lola Pet!!! Napahinto ako, nanlamig ang aking katawan na may kung anong kakaibang kabog ang aking naramdaman, at sa hindi kalayuan ay kitang kita ko ang babaeng nakaputi na papalapit sa aking kinalalagyan, hindi ko makita ang kanyang mukha dahil natatakpan iyon ng kanyang makakapal na buhok, mabilis ang kanyang pagdating. Kung ano ano na ang gumulo sa aking isipan, napagtanto ko na ang malaking bahay nga pala nila Lola Pet ay wala ng sinumang nakatira pa, dahil si Lola Pet ay matagal ng sumakabilang buhay habang ang kanyang pamilya naman ay lumipat na ng bahay na matitirhan. Kung ganun ang bahay sa aking harapan ay isa ng Haunted House. Ako ay kinilabutan, napapikit na lamang ako sa sobrang kabang nararamdaman at hindi na nakaalis sa aking kinatatayuan, napasigaw ako ng malakas ng biglang may humawak sa akin... "WAAAAAAAHHHHHHHHHHH"... Ang bababaing nakaputi, tama.. sya ang may hawak sa akin ng mga oras na iyon. nangingilid na ang aking luha... di ko na ata ito kaya, lalo na't nang magsalita na sya.

Hoy, OK ka lang? sabi nya.. parang takot na takot ka ha.

Nang aking idilat ang aking mga mata, nakita ko ang babaing nakaputi sa aking harapan. Si Millie pala iyon, isang Nurse sa aming lugar, madaling araw pala ang kanyang duty sa ospital.

Langya.. tinakot ko lang ang aking sarili.

NOTA: Inutusan akong bumili ng mantika para ipampirito ng paborito kong manok na aking babaunin para sa aming Field Trip nung araw na iyon. :-)