Gusto mo bang manalo ng $25?

Wala nang intro, kung blogger ka, OFW man o hindi at gusto mong manalo ng $25 sundan mo ito;

1.Magregister sa Tambayan ng Pinoy Bloggers

2.I-blog ang pa-contest na ito sa inyong pahina at siguruhing may link ang Tambayan sa inyong article

3.I-post ang link ng inyong article dito

4.Ayun! May isang entry na kayo sa pa-raffle ng Tambayan.

5.At para makasigurong nakasama ka sa pa-raffle, icheck lang po ang thread na ito, ia-update po namin ang unang post sa thread para sa listahan ng mga makakasali

Gusto nyo pa?!

6.Kapag lumagpas kayo ng 50 posts sa Tambayan bago matapos ang pa-raffle na ito, magiging dalawa(2) ang entry nyo sa pa-raffle, ibig sabihin dalawa ang tsansa nyong manalo ng $25.

Tatanggap kami ng mga entries hanggang April 24, 8:00PM Manila Time, iraraffle ang mga entries gamit ang RANDOM.ORG sa mismo ding araw at iaannounce ang nag-iisang mananalo ng $25 sa susunod na araw. Kasabay nito ang pag-email namin sa blogger na nanalo.

Western Union lang po ang paraan namin para maipadala ang prize ng nanalo, Kung sakali mang manalo ang isang blogger na nasa ibang bansa, maaari po nyang ibigay ang contact information ng representative nya sa Pinas na tatanggap ng prize.

Isang entry lang po kada isang rehistradong myembro, magiging dalawa lamang ang inyong entry kung lumagpas kayo sa 50 post bago matapos ang pa-raffle

Sabi nga sa isang inuman "Salamat sa Sponsor!!!"

SERYOSO??? No Way!

Matagal tagal din akong nawala sa sirkulasyon...

Nawalan ng ganang magsulat..

Napagod...

Nanawa...

Naumay sa mga araw araw na ginagawa sa buhay...

Ngunit makalipas ang sunod sunod na kaguluhan at trahedya na ating nasaksihan, dulo't man ito ng mapanakop na sangkatauhan oh ganti sa atin ng Inang kalikasan.

Bukod pa dito ang mga personal na pagsubok na dumating sa aking buhay.

Nabago ang pananaw ko...

Bigla na lamang akong namulat at nagising sa reyalidad ng buhay...

Na maaaring sa isang iglap lamang ay wala na ang lupang iyong nakasanayang apakan...

Wala na ang mga yamang kalikasang patuloy na inaabuso ng sangkatauhan..

At maging ang taong pinakamalapit sa buhay mo, hindi mo alam kaluluwa na pala..

Maaaring sa iyong pag-idlip ay hindi mo na gustuhing magising pa sapagkat ang inaakala mong dahilan kung bakit ika'y nabubuhay ay naglaho ng parang bula lumang..

Kinain ng nanunuyot na lupa at patuloy na tinutupok ng nagliliyab na apoy.

Nakakatakot isipin na dahil sa ating pagkakamali at kasakiman ay unti unti ng kinukuha at ginuguho ang mundong sa atin ay ipinahiram lamang..

Ang sariwang hangin na ating nilalanghap...

Mga halaman, bulaklak at mga punong kahoy na ating sinisilungan..

Yamang tubig na nagsisilbing pamatid uhaw sa ating nanunuyong lalamunan.

Lahat ito wala na... lahat ito, binawi na...

Sana ay hindi pa huli ang lahat...

Sana may magawa pa tayo...

Kumilos tayo hanggat may panahon pa...

TARA NA!

Para san ang post na to? Wala lang.. gusto ko lang magseryoso kahit minsan...

Pero seryosong sagot.. Para mapalitan na yung BRIPKONGRED.. NAGtututong na eh!